DB Multiverse

Bravo, che pa­ro­nan­sa!
Serto, mi conjoso ła contro-mafuba, ma no vołevo rovinar el to bel momento de gloria…
So' ve­ra­men­te in­pre­zo­nà drento… ma no de'l tuto. Go meso  pìcołi tochi de mi tuto intorno a'l ring!
Forse te ga­va­ri­si da far na mafuba par onjuna?
Bondì a tuti :)

A vołevo scrìvar na curta nota a i łetori de DBM par sto secondo e ùltimo capìtoło de flashback.

Sipia par condivider co vu ła me pasion par DBM, ma anca par łevar un veło dadrìo łe cuinte de'l łaoro de un dezenjador.

Prima de tuto, savì che se go dezenjà sti do capìtołi, ze prima de tuto parché vołevo lèzar el resto de DBM!
Ebene sì, propio cofà ti, A so' un avido łetor co se trata de saver el sèguito!
Ma de Gogeta Jr e Asura no se ghe ne cata tanti par strada e el só tenpo el ze limità.

Donca, se vołevo lèzar ła continuasion de DBM, beh, ła dura realtà jera ch'A gavevo da contribuir mi!

Un capìtoło de 25 pàgine, (sì, conta anca ła coertina), łe ze 25x6 = 150 ore de łaoro mìnimo pa'l dezenjador. Parché prima de i dezenji, ghe ze una o pi sesioni de brainstorming co Salagir, po un primo storyboard da afinar, po ła conpozision de łe pàgine in Photoshop co i diàłoghi, po i dezenji, po l'inciostrasion in Photoshop, po i efeti come soło ła scała de grizo, donca ritoco seguendo i comenti de Salagir, donca ritoco seguendo i comenti de'l Team!

Ste 150 ore inte'l me tenpo łìbaro łe rechiede donca el sacrifisio de sto steso tenpo łìbaro par un boto de setemane.
Aceto tute łe crìteghe, ma chi che'l scrive che ghe contemo ła storia de l'orso o che el łetor no'l vien respetà i se zbaja anca masa.

In curto, dezenjar un capìtoło DBM rechiede pasion e investimenti altro che sostansiałi.

El primo capìtoło el ze stà un fóntego de gran piaser e Salagir el ga donca sugerìo de sarar el sercio dezenjando el resto e 'l flashback de ła fin de'l secondo capìtoło.

El stiłe DB no'l ze el me stiłe naturałe, el primo capìtoło el ze stà na vera sfida par mi.
Anpò, go fato de'l me mejo par métare el pi posìbiłe inte łe vinjete e no go mai ezità de dezenjar un sfondo né go sercà de evitar el łaoro.
A go parfìn insistìo par dezenjar pi personaji posìbiłe inte l'ùltima pàgina.

Par sto secondo capìtoło, go sercà de rendar el rezultado pi omogeneo e pi DBZ che DB.
Notarè anca che sti do capìtołi i ze densi. Ghe ze un boto de robe che łe acade ca rento.
Ła ze stà na me rechiesta, Salagir el ga acetà de respóndar pozitivamente, e ghe so' grato :)

Spero che te piaza łèzarli tanto che me ze piazesto dezenjarli!

Entuziazmeve co nialtri, scrivì łe vostre previzion, scrivine i vostri feedback!
Łezarò tuti i mesaji e respondarò a łe vostre domande inte l'ùltima pàgina de'l capìtoło. No ezitè, soratuto se gavì domande reładive a i dezenji.
Se un nùmaro discreto de vialtri mostra interese par sta parte de'l łaoro, podarìa parfìn publegar un "making of" da i me fiłe :)

Uzarò sta oportunità par rengrasiar i numarozi menbri de'l Team DBM el ché łaoro rende ste pàgine acesìbiłi a'l resto de'l mondo, sipia tramìe łe tradusion, łe convention, ła moderasion e cusì via.

PS: A pararìa che Salagir el se diverte a łaorar co mi tanto che mi co łu, donca el me ga oferto de scrìvar un altro capìtoło. Go acetà.
No poso smaronar tanto, se no pa'l fato che'l ze el capìtoło antisipà da ła stragrande majoransa de vialtri e che'l rezultado el sarà un piaser da lèzar!

Cordialmente

Taopaipai.
Dezenjà da:

Ouv (ex Taopaipai)       35 39 52 74

DB Multiverse
Pàgina 2318
[FR] Asura on Twitch!
Tra 1 dì, 9 ore
8 March

Rest in peace, Toriyama-sensei

[img][img]Akira Toriyama passed away. Our work would be nothing without him, and we will continue to try to honor him through our pages. "Writing manga is fun," as you used to say, but today is a sad day. Thank you and rest in peace, Master.

This Sunday, DBM's page will be replaced by a tribute.

Comment on this news!

[partner]

Cargando i comenti…
Łengua Novità Łezi I otori Feed Rss Fanart FAQ Juto tornèo Juto universi Bonus Eventi Promosion Siti incaratài
EnglishFrançais日本語中文EspañolItalianoPortuguêsDeutschPolskiNederlandsTurcPortuguês BrasileiroMagyarGalegoCatalàNorskРусскийRomâniaEuskeraLietuviškaiCroatianKoreanSuomeksiעִבְרִיתБългарскиSvenskaΕλληνικάEspañol Latinoاللغة العربيةFilipinoLatineDanskCorsuBrezhonegVènetoLombard X