DB Multiverse

Informasion su i personaji inte'l spasio.
Abenché i verze ła boca, podo asicurarte che Vejeth e Buu i parla soło tełepategamente.
Vejeth el tratiene el fià. Buu no'l ghe ne ga bezonjo.
No ghe ze gravità. Nesun "zo". Se Vejeth e Buu i ze… parałeli, ze parché Vejeth el se ga tełetrasportà par frontarlo.

Se dize che "Frìzer el połe soravìver inte'l spasio", che vol dir che Goku el sarìa morto inte'l spasio, e che dir de Vejeth?
In efeti, ti e un Sajan no podì soravìver inte'l spasio parché gavì bezonjo de respirar, parché resevì raji łetałi su ła vostra suca (de sòłito fermài da l'atmosfera terestre), a càuza de l'amànco de presion (el to corpo esploderà cofà un pacheto de patatine che te portaresi in alta montanja), parché lì fa un fredo beco.
Un umano el sarìa morto lì in sirca 30 secondi. Ma semo débołi. Ze bastànsa seguro che Vejeth el pose soportar ste dificoltà par racuanti minudi.

A propòzito de vełosità reładiva: parché Vejeth e Buu zełi senpre visin a Brołi, che'l se move ad alta vełosità co l'ataco? Parché i ze inte'l spasio. I ga razonto ła stesa vełosità.
Sensa gravità a tratenjerte, sensa aria a frenarte, co te vè a na serta vełosità, te mantien cheła vełosità, sensa njaun sforso.
Come gałi acuisìo sta vełosità? Beh, pénsaghe, Goku ze su ła Tera, fermo, ma'l se move molto vełosemente intorno a'l Sołe, bon? Namek. anca łu, el roda datorno a i só sołi. Donca Namek e ła Tera, molto łontani l'un da l'altro, i se move a vełosità molto desconpanje. Co Goku el se tełetrasporta da Namec, l'adata imediatamente ła só vełosità a cheła de ła só destinasion in modo che Namek no'l vada sensa de łu. Vejeth e Buu i adata imediatamente ła só vełosità a cheła de Brołi co i se tełetrasporta visin a łu.

Par cuanto reguarda Brołi, el ze cosìta Łejendario, che'l resta trasformà (e intato), ma prezonier de l'ataco.

E pa'i soni inte'l spasio (tełetrasporto "zip"), i ze udìbiłi soło da chi che łi fa. Pensa a "Star Wars" :)